1.
Mijil kang pindha narendra
Den garubyuk para cethi
Mancorong ponang wadana
Pindha Komajaya Ratih
Rinengga - rengga peni
Gawok ngungun kang handulu
Sinung prabawa. maya
Hangadhang mulya sejati
Jroning driya asung pamuji Hyang Suksma
2. Pamujine mengku brata
Meminta sihing Hyang Widhi
Satindak lan tandukira
Mugyantuk berkahing Gusti
Uga muna lan muni
Tinebihna salah dudu
Tinuntun buditama
Pantes tinulad pra janmi
Pindha nata gya salin agem satriya
3. Hageman satriya tama
Pindhane sang gunungsari
Iku kang temanten priya
Kang putri lir ragil kuning
Prasetya trus nyawiji
Mrih lestari runtut - atut
Ngesthi mengkoni putra
Tall tresna jaman mangkin
Dwi kang putra wus cukup rengganing krama
4. Tindake sang sinatriya
Kairing puji hastuti
Wiraga mengku prabawa
Mrabawani kang mriksani
Hamemayu sesami
Mahambeg satriya tuhu
Yeku trah Pancasila
Ngudi mulya lahir bàtin
Tansah eling waspada bakti mring praja.
5. Widada manggih yuwana
Sari kang pindha narpati
Rineksa pra wredha mudha
Sumunar lir dewa - dewi
Kongsi kaki lan nini
Paminta kapranan kalbu
Amrih bisa sembada
Ing akhir manggih swarga di
Wiji mulya kinarya ngrengga nagara.
Meminta sihing Hyang Widhi
Satindak lan tandukira
Mugyantuk berkahing Gusti
Uga muna lan muni
Tinebihna salah dudu
Tinuntun buditama
Pantes tinulad pra janmi
Pindha nata gya salin agem satriya
3. Hageman satriya tama
Pindhane sang gunungsari
Iku kang temanten priya
Kang putri lir ragil kuning
Prasetya trus nyawiji
Mrih lestari runtut - atut
Ngesthi mengkoni putra
Tall tresna jaman mangkin
Dwi kang putra wus cukup rengganing krama
4. Tindake sang sinatriya
Kairing puji hastuti
Wiraga mengku prabawa
Mrabawani kang mriksani
Hamemayu sesami
Mahambeg satriya tuhu
Yeku trah Pancasila
Ngudi mulya lahir bàtin
Tansah eling waspada bakti mring praja.
5. Widada manggih yuwana
Sari kang pindha narpati
Rineksa pra wredha mudha
Sumunar lir dewa - dewi
Kongsi kaki lan nini
Paminta kapranan kalbu
Amrih bisa sembada
Ing akhir manggih swarga di
Wiji mulya kinarya ngrengga nagara.
Tidak ada komentar:
Write komentar